Birinci vitse-prezident Mehriban Əliyevanın sədrliyi ilə keçirilmiş Rəqəmsal İnkişaf Şurasının ilk iclasında rəqəmsallaşma, yerli innovasiya ekosisteminin inkişafı və texnoloji suverenliyin gücləndirilməsi üzrə mühüm prioritetlər müəyyən edildi.

Pərakəndə ticarət sektoru bu prosesin vətəndaşa ən yaxın tətbiq sahələrindən biridir. Üzv şəbəkələrimizdə nağdsız dövriyyənin 70 faizə yaxınlaşması yerli FinTech və ödəniş həllərinin sınaqdan keçirilməsi və geniş tətbiqi üçün böyük imkan yaradır.

Hesab edirik ki, AZQR və digər yerli ödəniş alətlərinin daha əlverişli iqtisadi şərtlərlə inkişaf etdirilməsi biznes xərclərinin azalmasına, rəqəmsal ödənişlərin genişlənməsinə və milli ödəniş ekosisteminin güclənməsinə xidmət edəcək.