“Ticarət Şəbəkələrinin İnkişafı” İctimai Birliyinin sədri Araz İmanov FED.az biznes və maliyyə xəbərləri portalına geniş müsahibə verib.

Müsahibədə pərakəndə ticarət sektorunun hazırkı vəziyyəti, qeyri-neft sektorunda ticarət şəbəkələrinin rolu, əməliyyat və maliyyə xərclərinin artmasının sektora təsiri, nağdsız ödənişlər üzrə komissiya yükü, AZQR kimi yerli ödəniş həllərinin əhəmiyyəti, beynəlxalq təcrübənin öyrənilməsi, sağlam rəqabət mühitinin qorunması və dövlət qurumları ilə aparılan institusional dialoq barədə fikirlər səsləndirilib.

Araz İmanov bildirib ki, pərakəndə ticarət şəbəkələri yalnız satış nöqtələri deyil, məşğulluq, logistika, kənd təsərrüfatı, istehsal, texnologiya və xidmət sahələri ilə sıx bağlı olan böyük iqtisadi ekosistemin mühüm hissəsidir.