TŞİİB sədri Britaniya Pərakəndə Konsorsiumunun rəhbəri ilə görüşüb

“Ticarət Şəbəkələrinin İnkişafı” İctimai Birliyinin sədri Araz İmanov Londonda keçirilən “Retail Technology Show 2026” çərçivəsində Britaniya Pərakəndə Konsorsiumunun (BRC) rəhbəri Helen Dickinson ilə görüş keçirib.

Görüş zamanı Azərbaycan pərakəndə sektorunun mövcud vəziyyəti və inkişaf istiqamətləri, iri ticarət şəbəkələri ilə kiçik sahibkarların maraqlarının balanslaşdırılması, həmçinin qlobal geosiyasi və iqtisadi çağırışların pərakəndə sektoruna təsiri müzakirə olunub.

Tərəflər arasında pərakəndə sahəsində təcrübə mübadiləsi və gələcək əməkdaşlıq imkanları ətrafında fikir mübadiləsi aparılıb.