Martın 18-də Ticarət Şəbəkələrinin İnkişafı İctimai Birliyi (TŞİİB) Böyük Britaniyanın Azərbaycandakı fövqəladə və səlahiyyətli səfiri Zati-aliləri cənab Fergus Auld OBE tərəfindən təşkil olunmuş rəsmi qəbulda iştirak edib.

Tədbirdə pərakəndə ticarət sektoru nümayəndələri və sahibkarlar bir araya gələrək sektorda mövcud inkişaf meyillərini və əməkdaşlıq imkanlarını müzakirə ediblər. TŞİİB-in İdarə Heyətinin sədri Araz İmanov səfir və səfirliyin nümayəndələri ilə görüş keçirərək pərakəndə ticarət sektorunun inkişafı, eləcə də British Retail Consortium ilə əməkdaşlıq perspektivləri barədə fikir mübadiləsi aparıb.

Bununla yanaşı, TŞİİB biznes nümayəndələri ilə də görüşlər keçirərək sektorun qarşılaşdığı əsas çağırışlar və birgə təşəbbüslərin həyata keçirilməsi üçün potensial əməkdaşlıq istiqamətləri ətrafında müzakirələr aparıb.